Hallo liebe Mieter, Familien und Parteien, liebe Leit,
zunächst amal wünsch ich Ihnen in den etzertla a weng seltsamen Zeitn nachträglich a guts neis Jahr und vor allem beste Gsundheit. Und damit wir alle gsund bleibn, solltn wir uns möglichst an die staatlichn Vorgabn haltn, damit wir recht schnell wieder normale Zuständ kriegn. Wenn wir alle zsammhaltn, wird’s sicher bald wieder besser.
Im letztn Heft hab ich schon amal was über unsere Spielplätze gschriebn. Damals is es um die Sicherheit ganga, heut will ich amal was über die Sauberkeit sagn. Wobei meine Kollegn und ich scho drauf schaua, dass die Spielplätz, besonders die Sandkästn, sauber bleibn und net verunreinigt werdn. Sicher dauert’s nu a weng, bis wieder an Haufn Kinder dort spieln, und hoffentlich trotz der blödn Corona des dann aa wieder könna, aber die Zeit werd aa schnell wieder do sei.
Leider gibt’s immer wieder Zeitgenossn, die ihrn Hund zu an Sandkastn führn, damit der dortn sei Gschäft macht. Oder sie trinkn amal a Fläschla leer und lassn des dann einfach dortn liegn. Und bald drauf sind aus denen Flaschn Scherbn wordn. Ich hab amal a Foto gmacht, damit Sie sehn, was ich mein.
Liebe Leit, es geht um die Gsundheit der Kinder, drum helft alle mit und halt’ halt die Spielplätz und Sandkästn sauber und natürlich aa alle anderen Teile der Wohnanlagn. Vergelt’s Gott dafür.
Bis zum nächstn Mal, Eier Schorsch