Hallo liebe Mietende, Familien und Parteien, liebe Leit,
etz kumma wieder der Herbst, und der Winter. Draußn wird’s kalt, und wir dreha wieder die Heizung aaf, damit ma’s in der Wohnung schäi warm und kommod habn. In die allermastn Wohnunga habn wir ja moderne Zentralheizunga, und viel von unsere Häuser sind ja aa af Vordermann bracht wordn oder wie ma su sagt „energetisch saniert“.
Damit aa im Winter alles richtich läfft, haben wir a neues Heftla aufglegt, a Broschüre, die Sie aa im web findn könna. Unter, Obacht!, „besser.wohnen bei der wbg, Heizen & Lüften #Gesundes Raumklima“ Do müßn Sie bloß oklickn
https://wbg.nuernberg.de/interaktiv/heizen_und_lueften/index.htm#xl_xr_page_index
und scho hobn Sie’s.
Damit wolln wir Ihna behilflich sei, Feuchtschädn (Schimmlbildung) zu verhindern, und Ihna zu an unbeschwertn Wohna verhelfn. Richtich Heizn und Lüftn fördert die Gsundheit, hilft Kostn sparn und macht des Wohna angenehm.
Bittschön, nutzn’S des Angebot und erklärn’s des, wenn’s notwendig is, aa Ihrm Nachbarn, wenn der kan Computer und aa ka Internet hat oder nu net so gut Deitsch kann, warum des so wichtich is.
Dadafür sag ich mein herzlichn Dank und wünsch Ihna an ruhign Herbst, etz scho a schöne stade Zeit bis zum nächstn Jahr, und bleibn’S gsund.
Bis zum nächstn Mal,
Eier Schorsch